ପ୍ରଶ୍ନକାଳରେ କହିବାକୁ ନଦେବାରୁ ପୋଡିୟମ ତଳେ ଧାରଣା
ଭୁବନେଶ୍ୱର (ବଡ଼ ଖବର ବ୍ୟୁରୋ): ସ୍ୱାଭାବିକ ଭାବେ ଚାଲିଛି ଗୃହ । ମୌସୁମୀ ଅଧିବେଶନର ୫ମ ଦିନରେ ଗୃହକାର୍ୟ୍ୟ ସ୍ୱାଭାବିକ ଭାବେ ଚାଲିଛି । ପ୍ରଶ୍ନକାଳ ସ୍ୱାଭାବିକ ଭାବେ ଆରମ୍ଭ ହୋଇଥିବା ବେଳେ ଗୃହରେ ଉତ୍ତର ରଖିଥିଲେ ମନ୍ତ୍ରୀ । ସେପଟେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ପ୍ରଶ୍ନ କାଳରେ କହିବାକୁ ନ ଦେବାରୁ ପୋଡ଼ିଆମ ତଳେ ଧାରଣା ଦେଲେ ବିଧାୟକ।
କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ମଧ୍ୟ ସମର୍ଥନ ଦେଲେ। କାହିଁକି ସ୍ୱାଧିନ ସଦସ୍ୟଙ୍କୁ କହିବାକୁ ଦିଆ ଗଲା ନାହିଁ, କାହିଁକି ତାଙ୍କୁ ପ୍ରଶ୍ନରୁ ବଞ୍ଚିତ କରାଗଲା ବୋଲି ପ୍ରଶ୍ନ କଲେ ନରସିଂହ ମିଶ୍ର । ପର ମୁହୂର୍ତ୍ତରେ ତାଙ୍କୁ ସୁଜାଗ ଦେବାକୁ କହିଲେ ବାଚସ୍ପତି।