୬୦ ମହଲା ବିଲ୍ଡିଂରେ ଲାଗିଲା ଭୟଙ୍କର ନିଆଁ
ମୁମ୍ବାଇ( ବଡ଼ ଖବର ବ୍ୟୁରୋ): ମହାରାଷ୍ଟ୍ରର ରାଜଧାନୀ ମୁମ୍ବାଇର ପରେଲ ଅଞ୍ଚଳରେ ଥିବା ୬୦ ମହାଲା ବିଲ୍ଡିଂରେ ନିଆଁ ଲାଗିଛି । ତେବେ ସୂଚନା ଅନୁଯାୟୀ କରୀ ରୋଡ ସ୍ଥିତ ଅବିଘ୍ନ ପାର୍କ ଆପାର୍ଟମେଣ୍ଟରେ ୧୯ ତମ ମହାଲାରେ ଏହି ଅଗ୍ନିକାଣ୍ଡ ଘଟିଛି । ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ନିଜକୁ ନିଆଁ କବଳରୁ ବଞ୍ଚାଇବାକୁ ଯାଇ ଜଣେ ବ୍ୟକ୍ତି ୧୯ ତମ ମହଲାରୁ ଡିଆଁ ମିରିଛନ୍ତି ।
ଫଳରେ ବ୍ୟକ୍ତି ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି । ତେବେ ମୃତକଙ୍କ ନାଁ ଅରୁଣ ତିୱାରି ଓ ତାଙ୍କ ବୟସ ୩୦ ହେବ । ବ୍ୟକ୍ତି ଜଣଙ୍କୁ ତୁରନ୍ତ କେଇଏମ ହସ୍ପିଟାଲ ନିଆଯାଇଥିଲା । କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ତେବେ ବ୍ୟକ୍ତି ଜଣଙ୍କ ବିଲ୍ଡିଂରୁ ଡେଇଁବା ବେଳର ଭିଡିଓ ମଧ୍ୟ ଭାଇରାଲ ହେଉଛି ।
#WATCH महाराष्ट्रः मुंबई में करी रोड स्थित बहुमंजिला अविघ्ना पार्क अपार्टमेंट में आज दोपहर 12 बजे आग लग गई। किसी के घायल होने की सूचना नहीं है। pic.twitter.com/dNmRUQgMMr
— ANI_HindiNews (@AHindinews) October 22, 2021
ସୂଚନା ଅନୁଯାୟୀ , ଶୁକ୍ରବାର ଅପରାହ୍ନ ୧୨ଟା ବେଳେ ଏହି ଅଗ୍ନିକାଣ୍ଡ ଘଟିଛି । ହଠାତ ଆପାର୍ଟମେଣ୍ଟରେ ନିଆଁ ଲାଗିବା ଦେଖି ଲୋକମାନେ ଭୟଭୀତ ହୋଇଯାଇଥିଲେ । ପରେ ସେଠାରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ କରିଥିଲେ । ବର୍ତ୍ତମାନ ଅଗ୍ନିଶମ ବିଭାଗ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ବିଲ୍ଡିଂରେ ନିଆଁ କେମିତି ଲାଗିଲା ତାହା ଜଣାପଡିନାହିଁ ।