(ବଡ଼ ଖବର ବ୍ୟୁରୋ) : ସାମ୍ନାକୁ ଆସିଲା ସମୀର ୱାଙ୍ଖଡେଙ୍କ ଅସଲି ନାଁ । ସମୀରଙ୍କ ପ୍ରକୃତ ନାଁ ହେଉଛି ‘ସମୀର ଦାଉଦ ୱାଙ୍ଖଡେ’ । ନିଜ ନାଁ ବଦଳେଇ ଦେଇଛନ୍ତି ଏହି ଏନସିବି ଅଧିକାରୀ । ଜାଲ ପ୍ରମାଣପତ୍ର ତିଆରି କରି ପାଇଛନ୍ତି ସରକରୀ ଚାକିରି । ଏଭଳି ଅଭିଯୋଗ ଆଣିଛନ୍ତି ମହାରାଷ୍ଟ୍ରର ମନ୍ତ୍ରୀ ତଥା ଏନସିପି ନେତା ନୱାବ ମଲିକ । ସୂଚନା ଅନୁଯାୟୀ, ଆର୍ୟନ ଖାନ ମାମଲାରେ ତଦନ୍ତ କରୁଥିବା ଏନସିବି ନିର୍ଦ୍ଦେଶକ ୱାଙ୍ଖଡେଙ୍କୁ ନେଇ କରିଛନ୍ତି ଖୁଲାସା ।
ତେବେ ଟ୍ୱିଟ କରି ନୱାବ ମଲିକ ଏକ ଜନ୍ମ ପ୍ରମାଣପତ୍ର ସେୟାର କରିଛନ୍ତି । ଏହି ଜନ୍ମପ୍ରମାଣ ପତ୍ରରେ ତାଙ୍କ ବାପାଙ୍କ ନାଁ ଦାଉଦ କେ ୱାଙ୍ଖଡେ ଲେଖା ଅଛି । ତେବେ ଧର୍ମ ସ୍ଥାନରେ ମୁସଲିମ ଲେଖା ହୋଇଥିବା ଦେଖିବାକୁ ମିଳିଛି । ପରେ ପୁଣି ନୱାବ ମଲିକ ଦ୍ୱିତୀୟ ଟ୍ୱିଟରେ ସମୀରଙ୍କ ଜନ୍ମ ପ୍ରମାଣପତ୍ରର ଫଟୋ ସେୟାର କରିଛନ୍ତି । ଏହି କ୍ୟାପସେନରେ ସେ ଲେଖିଛନ୍ତି ସମୀର ଦାଉଦ ୱାଙ୍ଖଡେଙ୍କ ଠକେଇ ଏଠାରୁ ହିଁ ଆରମ୍ଭ ହୋଇଥିଲା ।
ଏହି ଜନ୍ମ ପ୍ରମାଣପତ୍ରରେ ସେ ମୁସଲିମ ବୋଲି ଜଣାପଡିଛି । ସେ ଭୁଲ ଢଙ୍ଗରେ ସଂରକ୍ଷଣ ସୁଯୋଗ ନେଇ ଭାରତୀୟ ରାଜସ୍ୱ ସେବାରେ ଚାକିରି ହାସଲ କରିଥିବା ଦାବି ହେଉଛି । ଆର୍ଥାତ ସଂରକ୍ଷଣ ଉଦ୍ଦେଶ୍ୟରେ ସେ ନିଜ ଧର୍ମକୁ ଲୁଚାଇ ରଖିଥିଲେ ବୋଲି ଅଭିଯୋଗ ହୋଇଛି । ସେପଟେ ଏହି ଟୁଇଟ ମଧ୍ୟ ଭାଇରାଲ ହେବାରେ ଲାଗିଛି ।
ସମୀର ୱାଙ୍ଖଡେଙ୍କ ପ୍ରଥମ ବିବାହର ଫଟୋ ଭାଇରଲ ହେଉଛି । ସମୀରଙ୍କ ପ୍ରଥମ ପତ୍ନୀଙ୍କ ନାଁ ଡକ୍ଟର ଶବାନା କୁରେଶ । କ୍ରାନ୍ତି ରେଡକର ତାଙ୍କର ଦ୍ୱିତୀୟ ପତ୍ନୀ । ପରେ ଏହି ଅଭିଯୋଗକୁ ଖଣ୍ଡନ କରିଛନ୍ତି ସମୀର ୱାଙ୍ଖଡେ । ଜବାବରେ କହିଛନ୍ତି, ତାଙ୍କ ବିରୋଧରେ ହୀନ ରାଜନୀତି ଆରମ୍ଭ ହୋଇଛି । ତାଙ୍କୁ ବ୍ୟକ୍ତିଗତ ଭାବେ ଟାର୍ଗେଟ କରାଯାଉଛି ।
'Sameer Dawood Wankhede": Maharashtra Minister Nawab Malik reveals new 'fraud' by NCB officer as controversy over Shah Rukh Khan's son Aryan Khan's arrest grows #SameerWakhende #NawabMalik @nawabmalikncp https://t.co/ysbEIQTaLb
— Janta Ka Reporter (@JantaKaReporter) October 25, 2021
