‘ଦିବ୍ୟାଙ୍ଗଙ୍କୁ ବିବାହ କଲେ ମିଳିବ ୫ ଲକ୍ଷ’

ରାଜସ୍ଥାନ (ବଡ଼ ଖବର ବ୍ୟୁରୋ): ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ସରକାର ଏକ ନିଆରା ପଦକ୍ଷେପ । ପ୍ରେମ ଦିବସରେ ଦିବ୍ୟାଙ୍ଗମାନଙ୍କୁ ଭେଟି ଦେଇଛନ୍ତି ଉପହାର । ଦିବ୍ୟାଙ୍ଗଙ୍କୁ ବିବାହ କଲେ ମିଳିବ ୫ ଲକ୍ଷ ଆର୍ଥିକ ସହାୟତା । ରାଜ୍ୟରେ ୮୦ ପ୍ରତିଶତ ଦିବ୍ୟାଙ୍କ ବ୍ୟକ୍ତିଙ୍କୁ ଜୀବନସାଥୀ ଯୋଗାଇ ଦେବା ପାଇଁ କଂଗ୍ରେସ ସରକାର ଏକ ଉପହାର ପ୍ରଦାନ କରିବେ। ଜଣେ ଦିବ୍ୟାଙ୍ଗ ବ୍ୟକ୍ତିଙ୍କୁ ବିବାହ କଲେ ସରକାର ୫ ଲକ୍ଷ ଟଙ୍କା ଆର୍ଥିକ ସହାୟତା ଦେବେ ବୋଲି ଘୋଷଣା କରିଛନ୍ତି ସରକାର । ଏହା ସହିତ ସରକାର ଭିନ୍ନ ଜାତିରେ ବିବାହ ପାଇଁ ଦିଆଯାଇଥିବା ଆର୍ଥିକ ସହାୟତା ପରିମାଣକୁ ୫ ଲକ୍ଷରୁ ୧୦ ଲକ୍ଷକୁ ବୃଦ୍ଧି କରିଛନ୍ତି।

ସାମୂହିକ ବିବାହକୁ ପ୍ରୋତ୍ସାହିତ କରିବାକୁ ଗେହଲଟ ସରକାର ମଧ୍ୟ ଚେଷ୍ଟା କରିଛନ୍ତି। ସରକାର ସାମୂହିକ ବିବାହ ଅନୁଦାନ ଯୋଜନା ଅନ୍ତର୍ଗତ ଦେୟ ଅନୁଦାନ ପରିମାଣକୁ ଦମ୍ପତିଙ୍କ ପାଇଁ ୧୮ ହଜାରରୁ ୨୫ ହଜାର ଟଙ୍କାକୁ ବୃଦ୍ଧି କରିଛନ୍ତି। ବିଭିନ୍ନ ସମାଜ, ଜାତି ଏବଂ ଧର୍ମର ଲୋକେ ସାମୂହିକ ବିବାହ ସମାରୋହରେ ଅଂଶଗ୍ରହଣ କରି ବିବିଧତାର ଏକତାର ଆତ୍ମାକୁ ଅନୁଭବ କରନ୍ତି ଏବଂ ଅତି କମରେ ୨୫ ଦମ୍ପତି ବିବାହ କରନ୍ତି, ତେବେ ଏହି କାର୍ୟ୍ୟକ୍ରମ ପାଇଁ ୧୦ ଲକ୍ଷ ଟଙ୍କା ଅତିରିକ୍ତ ସହାୟତା ପ୍ରଦାନ କରାଯିବ।