ଜାଲ ନୋଟ୍ କାରବାର, ୭ ଗିରଫ

ବାରିପଦା(ବଡ଼ ଖବର ବ୍ୟୁରୋ): ମୟୂରଭଞ୍ଜରେ ଜାଲ  ନୋଟ କାରବାର । ଜାଲ ନୋଟ୍ କାରବାରରେ, ୭ ଜଣ ଗିରଫ ହୋଇଛନ୍ତି । 10 ଲକ୍ଷରୁ ଅଧିକ ଟଙ୍କାର ଠକେଇ ହୋଇଥିବା ଅଭିଯୋଗ ହୋଇଛି। ଅପହରଣ ମାମଲାର ତଦନ୍ତ ବେଳେ ସାମନାକୁ ଆସିଲା ଜାଲ ନୋଟ କାରବାର ଘଟଣା। ଗିରଫ ହୋଇଥିବା ସମସ୍ତ ଅଭିଯୁକ୍ତ ହେଉଛନ୍ତି ବଡ଼ସାହି ଅଞ୍ଚଳର । ସୂଚନା ଅନୁସାରେ ରଙ୍ଗା ମାଟିଆ ଅଂଚଳର ରାଜେନ୍ଦ୍ର ବେହେରାକୁ ଅପହରଣ କରାଯାଇଥିବାର ଅଭିଯୋଗ କରିଥିଲେ ତାଙ୍କ ବାପା । ଘଟଣାର ତଦନ୍ତ କରି ପୋଲିସ ୩ଜଣଙ୍କୁ ଗିରଫ କରିଥିଲା। ପରେ ଜାଲ ନୋଟ କାରବାର କଥା ସାମ୍ନାକୁ ଆସିଥିଲା ।

ରାଜେନ୍ଦ୍ର ବେହେରା କିଛି ଲୋକଙ୍କ ଠାରୁ ୩ଲକ୍ଷ ଟଙ୍କା ନେଇ କିଛି ଦିନ ପାରେ ୧୦ଲକ୍ଷ ଟଙ୍କା ଫେରସ୍ତ କରିବାର କହିଥିଲେ। ରାଜେନ୍ଦ୍ର ସେହି ବ୍ୟକ୍ତିଙ୍କୁ ଜାଲ ନୋଟ ଦେଇଥିଲେ । ତେବେ ଟଙ୍କା ସବୁ ଜାଲ୍ ଜଣାପଡ଼ିବା ପରେ ସେମାନେ ରାଜେନ୍ଦ୍ରକୁ ଅପହରଣ କରିଥିଲେ। ଜାଲ ନୋଟ୍ ମାମଲାରେ ୪ ଜଣଙ୍କୁ ଗିରଫ କରିଥିବା ବେଳେ ଅପହରଣ ମାମଲାରେ ୩ ଜଣଙ୍କୁ ଗିରଫ କରିଛି ପୋଲିସ। ଗୋଟିଏ ବାଇକ୍, ଗୋଟିଏ ବୋଲେରୋ ଏବଂ ଗୋଟିଏ ସ୍କୋର୍ପିଓ ଗାଡ଼ି ସମେତ ୩ ବିଡ଼ା ନକଲି ନୋଟ ଓ ୩ ଟି ମୋବାଇଲ ଜବତ କରାଯାଇଛି।ତେବେ ଜାଲ ନୋଟ କାରବାର ରେ ଆଉ ଜଣେ ଅଭିଯୁକ୍ତ ଫେରାର ଥିବାର ସୁଚନା ଦେଇଛି ପୋଲିସ।