ବିଏମସିରେ ଆଉ ଦୁଇ ମଶାଣି

ଭୁବନେଶ୍ୱର, (ବଡ଼ ଖବର ବ୍ୟୁରୋ): କୋଭିଡ୍ ସଂକ୍ରମଣରେ ମୃତ୍ୟବରଣ କରୁଥିବା ଲୋକଙ୍କ ଶବ ସଂସ୍କାର ପାଇଁ ଭୁବନେଶ୍ୱର ମହାନଗର ନିଗମ ଅଞ୍ଚଳରେ ବିଏମସି କର୍ତ୍ତୃପକ୍ଷ ପ୍ରସ୍ତୁତ କରୁଛନ୍ତି ଆଉ ଦୁଇଟି ମଶାଣି। ସତ୍ୟନଗର ମଶାଣିର ବୈଦ୍ୟୁତିକ ଚୁଲା କାମ ସରିଛି। ଏଥିସହ ବିଏମସି ଅନ୍ତର୍ଗତ ପଟିଆ ଏବଂ ଖଣ୍ଡଗିରିଠାରେ ଖୁବଶୀଘ୍ର ଆଉ ଦୁଇ ମଶାଣି କାର୍ଯ୍ୟକ୍ଷମ ହେବ।

ସୂଚନାଯୋଗ୍ୟ କୋଭିଡ୍ ସଂକ୍ରମିତ ମୃତଦେହ ସଂସ୍କାର ପାଇଁ ଭୁବନେଶ୍ୱର ସତ୍ୟନଗର ଶ୍ମଶାନ ଏକମାତ୍ର ବିକଳ୍ପ ଥିଲା। ଏଠାରେ ଦିନକୁ ଦିନ ଶବ ସଂସ୍କାର ସଂଖ୍ୟା ବଢ଼ୁଥିବାରୁ ସ୍ଥାନୀୟ ଲୋକେ ଅସୁବିଧାର ସମ୍ମୁଖୀନ ହେବା ସହ ତୀବ୍ର ଅସନ୍ତୋଷ ପ୍ରକାଶ କରିଥିଲେ। ଏହାକୁ ଦୃଷ୍ଟିରେ ରଖି ବିଏମସି ପକ୍ଷରୁ ଆଉ ଦୁଇ ଶ୍ମଶାନ ପ୍ରସ୍ତୁତ କରାଯାଉଥିବା କମିଶନର ପ୍ରେମଚାନ୍ଦ ଚୌଧୁରୀ ସୋମବାର ସୂଚନା ଦେଇଛନ୍ତି।