ଡଙ୍ଗାବୁଡ଼ି ଘଟଣା, ମୃତ୍ୟୁସଂଖ୍ୟା ୨୨କୁ ବୃଦ୍ଧି

କେରଳ(ବଡ଼ ଖବର ବ୍ୟୁରୋ): କେରଳରେ ଡଙ୍ଗାବୁଡ଼ି ଘଟଣା । ମୃତ୍ୟୁସଂଖ୍ୟା ୨୨କୁ ବୃଦ୍ଧି । ଏବେ ବି ନିଖାଜ ଅଛନ୍ତି ଅନେକ ଲୋକେ । ମୃତକଙ୍କ ମଧ୍ୟରେ ରହିଛନ୍ତି ୭ ଶିଶୁ । ଏବେ ବି ଗୁରୁତରମାନେ ଚିକିତ୍ସାଧୀନ ଅବସ୍ଥାରେ ରହିଛନ୍ତି । ଅନ୍ୟପଟେ ରାଜ୍ୟ ସରକାର ମୃତକଙ୍କ ପରିବାର ସଦସ୍ୟଙ୍କୁ ୧୦ ଲକ୍ଷ ଟଙ୍କାର କ୍ଷତିପୂରଣ ଘୋଷଣା କରିବା ସହିତ ଉକ୍ତ ଘଟଣାରେ ନ୍ୟାୟିକ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି ।

ଗତକାଲି ଅନ୍ଧାର ରାତିରେ ମଝି ନଈରେ ମଲପ୍ପୁରମ୍ ଜିଲ୍ଲା ତାନୁରରେ ଓଲଟିଥିଲା ଡଙ୍ଗା । ୪୦ ଯାତ୍ରୀଙ୍କ ମଧ୍ୟରେ ଅଧିକାଂଶ ଛୋଟ ପିଲା ଥିବା ସୂଚନା ମିଳିଛି । ଏକ ସ୍କୁଲ୍‌ର ଖରା ଛୁଟି ଅବସରରେ ଛାତ୍ରଛାତ୍ରୀଙ୍କୁ ନେଇ ବୋଟରେ ପିକନିକ ଚାଲିଥିଲା। ହଠାତ୍‌ ଡଙ୍ଗାଟି ତାନୁରରେ ଓଲଟି ପଡ଼ିଥିଲା।