କର୍ଣ୍ଣାଟକ (ବଡ଼ ଖବର ବ୍ୟୁରୋ): ଲୋକସଭା ନିର୍ବାଚନରେ ରାହୁଲଙ୍କ ସ୍ଥାନରେ ପ୍ରଧାନମନ୍ତ୍ରୀଙ୍କୁ ଟକ୍କର ଦେଇପାରନ୍ତି ପ୍ରିୟଙ୍କା । କର୍ଣ୍ଣାଟକ ବିଧାନସଭା ନିର୍ବାଚନରେ ଜିତିବା ପରେ ବର୍ତ୍ତମାନ ୨୦୨୪ ଲୋକସଭା ନିର୍ବାଚନ ପାଇଁ କଂଗ୍ରେସ ମିଶନ ମୋଡରେ କାମ କରୁଛି। କର୍ଣ୍ଣାଟକ ରେ ନିର୍ବାଚନ ପୂର୍ବରୁ ପ୍ରିୟଙ୍କା ଗାନ୍ଧୀ କିଛି ରାଲି କରିଥିଲେ। ଏହି ସମାବେଶ କଂଗ୍ରେସ ସପକ୍ଷରେ ଏକ ଭଲ ପରିବେଶ ସୃଷ୍ଟି କରିଥିଲା। ଅନେକ କଂଗ୍ରେସ ନେତା ମଧ୍ୟ ରାହୁଲଙ୍କ ଅପେକ୍ଷା ପ୍ରିୟଙ୍କା ଗାନ୍ଧୀଙ୍କୁ କର୍ଣ୍ଣାଟକ ବିଜୟର ଶ୍ରେୟ ଦେଇଛନ୍ତି। କର୍ଣ୍ଣାଟକ ନିର୍ବାଚନ ପରେ ପ୍ରିୟଙ୍କା ଗାନ୍ଧୀଙ୍କ ନେତୃତ୍ୱ ଦକ୍ଷତାକୁ କେବଳ କଂଗ୍ରେସ ଭିତରେ ନୁହେଁ କଂଗ୍ରେସ ବାହାରେ ମଧ୍ୟ ପ୍ରଶଂସା କରାଯାଇଥିଲା।
