ରାହୁଲଙ୍କ ଲଦାଖ ଗସ୍ତ, ବିଜେପିର କଟାକ୍ଷ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପ୍ରଥମ କରି ଲଦାଖ୍ ଗସ୍ତରେ ଯାଇଥିବା କଂଗ୍ରେସ ନେତା ରାହୁଲ୍ ଗାନ୍ଧୀ ବାଇକ୍ ଚଲାଇ ପାଙ୍ଗୋଙ୍ଗ୍ ହ୍ରଦକୁ ଯାଇଥିଲେ। ସାଂସଦ ରାହୁଲ୍ ଗାନ୍ଧୀ ବାଇକ୍ ଚଢ଼ି ଯାଉଥିବା ଫଟୋ କଂଗ୍ରେସ ପାର୍ଟି ତା’ର ଅଫିସିଆଏ୍ ‘ଏକ୍ସ୍’ (ଟୁଇଟ୍) ହ୍ୟାଣ୍ଡେଲ୍ରେ ସେୟାର୍ କରିଛି। ଆଉ କେତେକ ଫଟୋ ରାହୁଲ୍ ତାଙ୍କ ବ୍ୟକ୍ତିଗତ ‘ଇନଷ୍ଟାଗ୍ରାମ ଆକାଉଣ୍ଟ୍’ରେ ମଧ୍ୟ ସେୟାର୍ କରିଛନ୍ତି। ତେବେ ଏହାକୁ ନେଇ ରାହୁଲଙ୍କୁ କଟାକ୍ଷ କରିଛି ବିଜେପି ।
Thanks to Rahul Gandhi for promoting excellent roads of Ladakh built by the @narendramodi govt. Earlier, he also showcased how Tourism is booming in Kashmir Valley & reminded all that our "National Flag" can be peacefully hoisted at Lal Chowk in Srinagar now! pic.twitter.com/vta6HEUnXM
— Kiren Rijiju (@KirenRijiju) August 19, 2023
କେନ୍ଦ୍ର ମନ୍ତ୍ରୀ କିରେନ ରିଜିଜୁ ରାହୁଲଙ୍କୁ ଟାର୍ଗେଟ କରି କହିଛନ୍ତି ଲଦାଖରେ ନିର୍ମିତ ଆରାମଦାୟକ ତଥା ଉତ୍କୃଷ୍ଟ ମାନର ରାସ୍ତାକୁ ଲୋକଲୋଚନକୁ ସାମ୍ନାକୁ ଆଣିଥିବାରୁ ରାହୁଲ ଗାନ୍ଧୀଙ୍କୁ ଧନ୍ୟବାଦ । ରିଜିଜୁ ଟ୍ୱିଟରେ ଏକ ଭିଡିଓ ପୋଷ୍ଟ କରିଛନ୍ତି। ଭିଡିଓରେ ଲଦାଖର ପାଙ୍ଗୋଙ୍ଗ ହ୍ରଦକୁ ଯାଉଥିବା ରାସ୍ତା ଯାତାୟାତ ପାଇଁ ଅସୁବିଧା ହେଉଥିବାର ଦେଖାଯାଇଛି। ଅନ୍ୟ ଏକ ଚିତ୍ରରେ ରାହୁଲ ବାଇକ୍ରେ ଯାଉଥିବାବେଳେ ତାଙ୍କ ପଛରେ ଦୃଶ୍ୟମାନ ହେଉଥିବା ରାସ୍ତା ପକ୍କା ଏବଂ ଯାତାୟତ କରିବାରେ ସୁବିଧା ହେଉଛି।
