ରୋହିଣୀକାନ୍ତଙ୍କ ଅସରନ୍ତି ଦୁଃଖ
ମାହାଙ୍ଗା (ବଡ଼ ଖବର ବ୍ୟୁରୋ): ରହିବାକୁ ଘର ଅଛି, ହେଲେ ସୂର୍ଯ୍ୟ ଓ ଚନ୍ଦ୍ରଙ୍କ କିରଣ ଘରେ ବେଶ୍ ଭଲରେ ପଡୁଛି । ବର୍ଷାରେ କାନ୍ଥ ଓଦା ହୋଇ ଭୁଶୁଡିବାକୁ ବସିଲାଣି । ଚାଳପଟୁ ସରୀସୃପ ଘରେ ବସା କଲେଣି । ଏମିତି ଦୁର୍ଦ୍ଦିନରେ ଦିନ କାଟୁଛନ୍ତି ମାହାଙ୍ଗା ବ୍ଲକ ଭଦରେଶ୍ୱର ଗୋପାଳପୁରର ରୋହିଣୀକାନ୍ତ ଦାସ ।
ରୋହିଣୀକାନ୍ତ ପେସାରେ ଚାଷୀ । ୩ କୁଟୁମ୍ବକୁ ନେଇ ତାଙ୍କ ପରିବାର । କଷ୍ଟେମଷ୍ଟେ ଚଳିଯାଉଛି ତାଙ୍କ ଜୀବନ ସଂସାର । ଫନିବାତ୍ୟା ସହାୟତା ପାଇଁ ଆବେଦନ କରିଥିଲେ, ହେଲେ କିଛି ମିଳିଲା ନି । ସରପଞ୍ଚଙ୍କୁ ନିଜ ଦୁଃଖ କଥା ବାରମ୍ବାର ଜଣାଇଛନ୍ତି, କିନ୍ତୁ ସରପଞ୍ଚ କର୍ଣ୍ଣପାତ କରିନାହାନ୍ତି ।
ଲୋକଙ୍କ ଚ୍ୟାନେଲ ‘ବଡ଼ ଖବର’ ଆସୁଥିବା ଶୁଣି ବଡ଼ ଖବର ପ୍ରତିନିଧିଙ୍କୁ ଯୋଗାଯୋଗ କରି ତାଙ୍କ ଦୁଃଖ ବଖାଣିଛନ୍ତି । ଦେଖିବାକୁ ବାକି ରହିଲା ସରକାର ରୋହିଣୀଙ୍କ କଥା କେବେ ଶୁଣୁଛନ୍ତି ।