ଇଏ ଜମି ନୁହେଁ ଗାଁ ରାସ୍ତା

ସୋନପୁର (ବଡ଼ ଖବର ବ୍ୟୁରୋ): ରାସ୍ତାରେ ତଳି ରୋଇଲେ ଗାଁ ଲୋକେ । ଗାଁକୁ ନାହିଁ ଠିକ ରାସ୍ତା । ଯେଉଁ ରାସ୍ତା ଅଛି ତାହାବି କାଦୁଅ ପଚପଚ । ଜମିର ଭ୍ରମ ସୃଷ୍ଟି କରୁଥିବା ଏହି ରାସ୍ତା ହେଉଛି ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ମେଣ୍ଡା ପଞ୍ଚୟତର ଡାଙ୍ଗପଡା ଓ ଜାଲପଡାକୁ ଯାଇଥିବା ରାସ୍ତା । ଏହି ଦୁଇପଡାରେ ରୁହନ୍ତି ପାଖାପାଖି ୧୫୦ଲୋକ ।

କିନ୍ତୁ ଆଜି ପର୍ଯ୍ୟନ୍ତ ହୋଇପାରି ନାହିଁ ପକ୍କା ରାସ୍ତା । ଯାହାର ପ୍ରତିବାଦରେ ଆଜି ସ୍ଥାନୀୟ ମହିଳାମାନେ ରାସ୍ତାରେ ତଳିରୋଇ ପ୍ରତିବାଦ କରିଛନ୍ତି । ବାରମ୍ବାର ସରପଂଚ ସମିତିସଭ୍ୟଠୁ ଆରମ୍ଭ କରି ବିଡିଓଙ୍କ ପର୍ଯ୍ୟନ୍ତ ଅଭିଯୋଗ କରିଥିଲେ ମଧ୍ୟ ଫଳ ନମିଳିବାରୁ ରାସ୍ତାରେ ଏଭଳି ତଳିରୋଇ ପ୍ରତିବାଦ କରିଥିବା ଜଣାପଡିଛି ।