ଟ୍ରେନରୁ ଖସିଗଲେ

ଭୁବନେଶ୍ୱର, (ବଡ଼ ଖବର ବ୍ୟୁରୋ): ଘରକୁ ଆସିବା କାଳ ହେଲା । ଟ୍ରେନରୁ ଖସିପଡି ଗଲା ଜୀବନ। ଟ୍ରେନ ଯୋଗେ ଘରକୁ ଫେରୁଥିବା ବେଳେ ଖସିପଡି ଜଣେ ମହିଳାଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି। ମୃତକ ଜଣକ ହେଲେ ସୁବର୍ଣ୍ଣପୁର ଅଞ୍ଚଳର ଜଗଦା ପ୍ରଧାନ (୩୧)। ବିହାରରୁ ପାଟଣା – ପୁରୀ ଏକ୍ସେପ୍ରେସ ଟ୍ରେନରେ ସେ ନିଜ ଗ୍ରାମ ସୁବର୍ଣ୍ଣପୁରକୁ କଟକ ଦେଇ ଭୁବନେଶ୍ୱର ଫେରୁଥିଲେ । ବାରଙ୍ଗ ନିକଟସ୍ଥ ପୁରୀ ମୁଖ୍ୟ କେନାଲ ଗୋଲେଇ ରେଳଧାରଣା କଡ଼କୁ ଟ୍ରେନରୁ ଜଗଦା ଖସିପଡିଥିଲେ। ଗୁରୁତର ଜଗଦାଙ୍କୁ ଉଦ୍ଧାର କରିବାରେ ବିଳମ୍ବ ହେବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ସେପଟେ ବାରଙ୍ଗ ଜିଆରପି ଶବ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ କରିବା ସହ ବ୍ୟବଚ୍ଛେଦ ପାଇଁ କଟକ ପଠାଇଛି।