ବିଜେଡି ଯୁବନେତାଙ୍କୁ ହତ୍ୟା ଅଭିଯୋଗ

ଗଞ୍ଜାମ(ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକର ନୂଆଁ ଗାଁ ଥାନା ଅନ୍ତର୍ଗତ ଖମାରୀ ଗାଁର ପୂର୍ବତନ ସରପଞ୍ଚ ପ୍ରତିନିଧି ମୋହନ ମହାପାତ୍ର ଙ୍କୁ କାର ଧକ୍କା କରି ହତ୍ୟା କରିଥିବା ଅଭିଯୋଗ ହୋଇଛି । ମିଳିଥିବା ଖବରରୁ ପ୍ରକାଶ ଯେ ମଙ୍ଗଳବାର ଦିନ ମୋହନ ଙ୍କ ସହିତ ସେହି ଗ୍ରାମର ରାମକୃଷ୍ଣ ମିଶ୍ରଙ୍କ ର ବଚସା ହୋଇଥିଲା ,ଏହାର କିଛିକ୍ଷଣ ପରେ ମୋହନ ନିଜ ମଟର ସାଇକେଲରେ ଗଲା ବେଳେ ରାମକୃଷ୍ଣ ପଛପଟୁ କାର ଲଗାଇ ଥିଲା । ଏବଂ ଦୁର୍ଘଟଣା ଘଟାଇବା ପରେ ସେହି କାରରେ ରାମକୃଷ୍ଣ ମୋହନଙ୍କୁ ଦିଗପହଣ୍ଡି ମେଡିକାଲ କୁ ଆଣିଥିଲେ ସେଠାରେ ଡାକ୍ତର ମୋହନଙ୍କୁ ମୃତ ଘୋଷଣା କରିଥିଲେ। ଏହି ସମୟରେ ରାମକୃଷ୍ଣ ମୋହନଙ୍କ ମୃତ ଦେହକୁ ମେଡିକାଲରେ ଛାଡି ପଳାଇ ଯାଇଥିଲେ। ତେଣୁ ରାମକୃଷ୍ଣ ମୋହନଙ୍କୁ ହତ୍ୟା କରିଥିବା ଅଭିଯୋଗ ହୋଇଛି । ପୋଲିସ ଘଟଣାର ତଦନ୍ତ କରୁଥିବା ଜଣାପଡିଛି ।