କେମିକାଲ ରଙ୍ଗରୁ ଦୂରେଇ ରହି ହର୍ବାଲ ରଙ୍ଗକୁ ଆପଣାନ୍ତୁ

ଭୁବନେଶ୍ୱର (ବଡ଼ ଖବର ବ୍ୟୁରୋ): କେମିକାଲଯୁକ୍ତ ରଙ୍ଗ ସ୍ୱାସ୍ଥ୍ୟପକ୍ଷେ କ୍ଷତିକାରକ । ଏଥିରେ ହୋଲି ଖେଳିଲେ କାହାର ତ୍ୱଚାର ଇନଫେକ୍ସନ ହୁଏ ତ କାହାର ଆଖି ଜଳା ପୋଡ଼ା ହୁଏ । ତା ଛଡ଼ା ଏହି ରଙ୍ଗ ସହଜରେ ଦେହରୁ ଛାଡ଼ି ବି ନଥାଏ । ସେଥିପାଇଁ ଏବେ ଲୋକଙ୍କ ଭିତରେ ହର୍ବାଲ ରଙ୍ଗର ଚାହିଦା ବଢୁଥିବା ଦେଖିବାକୁ ମିଳିଛି । କାରଣ ଏହାର କୌଣସି ପାଶ୍ୱର୍ପ୍ରତିକ୍ରିୟା ନଥାଏ । ମାର୍କେଟରେ ତ ହୋଲିର ରଙ୍ଗ ଅନେକ ମିଳିଥାଏ । କିନ୍ତୁ ଆପଣ ଚାହିଁଲେ ବିଭିନ୍ନ ପ୍ରକାର ରୋଷେଇ ସାମଗ୍ରୀରୁ ଘରେ ବସି ସହଜରେ ଏହାକୁ ତିଆରି କରିପାରିବେ । ତେବେ କେମିତି ଘରେ ବସି ଏହି ହର୍ବାଲ ରଙ୍ଗ ତିଆରି କରିବେ ଜାଣନ୍ତୁ-

ହଳଦୀ,ବେସନ ଓ ଚନ୍ଦନ ପାଉଡ଼ର ମିଶାଇ ଏହାକୁ ସୁବାସ ଯୁକ୍ତ ପାଉଡ଼ର ରୂପେ ପ୍ରସ୍ତୁତ କରିପାରିବେ । ଗେଣ୍ଡୁଫୁଲ, କମଳା ଚୋପାରୁ କମଳା ରଙ୍ଗ ହୋଇପାରିବ । ସେହିପରି ମେହେନ୍ଦି , ନିମ୍ବ ପତ୍ର, ପାଳଙ୍ଗ,ପୁଦିନା ପତ୍ର ବାଟି ସବୁଜ ରଙ୍ଗ , ଡ଼ାଳିମ୍ବ ଓ ବିଟ ରସରେ ନାଲି ରଙ୍ଗ, ମଇଦା କିମ୍ବା ଚାଉଳ ଗୁଣ୍ଡକୁ ଧଳା ରଙ୍ଗ ଭାବେ ବ୍ୟବହାର କରାଯାଇପାରିବ । ଏହା ତ୍ୱଚାର ପାଇଁ ଉପକାରୀ ଓ ଶରୀରକୁ ସୁରକ୍ଷିତ ରଖିଥାଏ ।