ବାହାନଗା (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ବାହାନଗା ବ୍ଲକ ଆରୁହାବାଡ଼ ପଂଚାୟତ ରୂପଖଣ୍ଡ ଗାଁ ନିକଟସ୍ଥ ସମୁଦ୍ରରୁ ଏକ କୁମ୍ଭୀର ଉଦ୍ଧାର ହୋଇଛି। ଆଜି ଭୋର ସମୟରେ ଆରୁହାବାଡ଼ ଗ୍ରାମର କିଛି ମତ୍ସ୍ୟଜୀବୀ ମାଛ ମାରିବାକୁ ସମୁଦ୍ରକୁ ଯାଇଥିଲେ। ସେମାନେ ବିଛାଇଥିବା ଜାଲରେ କୁମ୍ଭୀର ଛନ୍ଦି ହୋଇଥିବା ଦେଖିଥିଲେ। ତେବେ ମତ୍ସ୍ୟଜୀବୀମାନେ କୌଶଳ କ୍ରମେ କୁମ୍ଭୀରକୁ ଉଦ୍ଧାର କରି ବନ ବିଭାଗକୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ବନ ବିଭାଗ କର୍ମଚାରୀମାନେ ପହଂଚି ଥିବାର ସୂଚନା ମିଳିଛି। ମତ୍ସ୍ୟଜୀବୀମାନେ କୁମ୍ଭୀରକୁ ଆରୁହାବାଡ଼ ବଜାରରେ ଆଣି ରଖିଥିବାର ଜଣାପଡିଛି।
