ବିହାର ଫଳାଫଳ ପୂର୍ବରୁ କଂଗ୍ରେସର ଷ୍ଟ୍ରାଟେଜି
ଭୁବନେଶ୍ୱର, (ବଡ଼ ଖବର ବ୍ୟୁରୋ): ସରିଛି ହାଇଭୋଲଟେଜ୍ ବିହାର ନିର୍ବାଚନ। ଏହାରି ଭିତରେ ଏକଜିଟ୍ ପୋଲର ଫଳାଫଳ ମଧ୍ୟ ସାମ୍ନାକୁ ଆସିଛି। ହତ୍ଚକିତ କରିଛି ବିଭିନ୍ନ ସଂସ୍ଥାର ସର୍ଭେ ରିପୋର୍ଟ। ଏକଜିଟ୍ ପୋଲର ଆକଳନ ଯଦି ସତ ହୁଏ ତାହେଲେ ମହାଗଠବନ୍ଧନ ଏଥର ବିହାର ରାଜନୈତିକ ଗାଦି ହାତେଇବ। ପୂର୍ବ ଘୋଷଣା ଅନୁସାରେ ମୁଖ୍ୟମନ୍ତ୍ରୀ ହେବେ ଆରଜେଡି ମୁଖ୍ୟ ତେଜସ୍ୱୀ ଯାଦବ। ତେଜସ୍ୱୀ ଗାଦିରେ ବସିବା ପରେ ମହାଗଠବନ୍ଧନର ଅଂଶୀଦାର କଂଗ୍ରେସକୁ ବଡ଼ ସଫଳତା ମିଳିବ ବୋଲି ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି।
Thanking #SoniaGandhi ji for appointing me and Sh. @rssurjewala ji as the observers for the poll results in the #BiharElections2020.
— Avinash Pande (@avinashpandeinc) November 8, 2020
ସେପଟେ ଏହାକୁ ନେଇ ନିଜର ରାଜନୈତିକ ଗୋଟି ଚଳାଇଛି କଂଗ୍ରେସ। ଏଥିପାଇଁ କଂଗ୍ରେସ ହାଇକମାଣ୍ଡ ୨ଜଣଙ୍କୁ ଗୁରୁ ଦାୟିତ୍ୱ ଦେଇଛନ୍ତି । ଦଳର ମୁଖପାତ୍ର ରଣଦୀପ ସୁରଜେୱାଲା ଓ ଅବିନାଶ ପାଣ୍ଡେଙ୍କୁ ବିହାର ପର୍ୟବେକ୍ଷକ ଭାବେ ଦାୟିତ୍ୱ ଦେଇଛନ୍ତି ସୋନିଆ ଗାନ୍ଧୀ। ଏହି ଦୁଇ ନେତା ବିହାରରେ ପହଞ୍ଚି ସେଠାକାର ସ୍ଥିତି ଅନୁଧ୍ୟାନ କରିବେ। ତା’ପରେ କେନ୍ଦ୍ରୀୟ ନେତୃବୃନ୍ଦଙ୍କ ସହ ଆଲୋଚନା କରିବେ। ଚୂଡ଼ାନ୍ତ ନିଷ୍ପତ୍ତି ପରେ ଆଗାମୀ ରଣକୌଶଳ ପ୍ରସ୍ତୁତ କରିବ ଦଳ। ଶନିବାର ତୃତୀୟ ପର୍ୟ୍ୟାୟ ଭୋଟ ଗ୍ରହଣ ହୋଇଥିବା ବେଳେ ୧୦ରେ ଫଳାଫଳ ପ୍ରକାଶ ପାଇବ।