ଜଗାକୁ ମିଳିଲା ସୁଭଦ୍ରା

କନ୍ଧମାଳ (ବଡ଼ ଖବର ବ୍ୟୁରୋ): ଜଗାକୁ ମିଳିଛି ଭଉଣୀ ସୁଭଦ୍ରା । ବହୁ ଚର୍ଚ୍ଚିତ ଯୋଡାମୁଣ୍ଡ ଶିଶୁ ଜଗା ବଳିଆ। ଜଗା ବଳିଆଙ୍କ ବିରଳ ଅସ୍ତ୍ରୋପଚାର ଦିଲ୍ଲୀ ଏମ୍ସ ହସ୍ପିଟାଲରେ ସଫଳ ରୂପେ କରାଯିବା ପରେ ଦୁହିଁଙ୍କୁ କିଛିଦିନ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଥିଲା।

ପରବର୍ତ୍ତୀ ସମୟରେ ବଳିଆର ଦେହାନ୍ତ ହୋଇଥିଲା ଏବଂ ଏକା ହୋଇଯାଇଥିଲା ଜଗା। ତେବେ ଶନିବାର ଦିନ ଜଗାର ମା ସଂଯୁକ୍ତା କହଁର ଏକ ଶିଶୁକନ୍ୟାକୁ ଜନ୍ମ ଦେଇଥିବା ବେଳେ ଜଗାକୁ ମିଳିଛି ତା ଭଉଣୀ ସୁଭଦ୍ରା। କନ୍ୟା ସନ୍ତାନକୁ ଜନ୍ମ ଦେବା ପରେ ବେଶ୍ ଖୁସି ଅଛନ୍ତି ଉଭୟ ବାପା ମାଙ୍କ ସହ ପୁରା ପରିବାର ।