ଟିକିଏ ରିଲାକ୍ସ ଲାଗୁଛି: ଅନୁଭବ ମହାନ୍ତି

କଟକ (ବଡ଼ ଖବର ବ୍ୟୁରୋ): ବିଳମ୍ବରେ ହେଉ ପଛେ ନ୍ୟାୟ ମିଳିଛି । ମୁଁ ହାଇକୋର୍ଟଙ୍କୁ ଧନ୍ୟବାଦ ଜଣାଉଛି । ବିବାହ ବିଚ୍ଛେଦ ପାଇଁ ରାୟ ଆସିବାପରେ କିଛି ଏଭଳି କହିଛନ୍ତି ସାଂସଦ ତଥା ଅଭିନେତା ଅନୁଭବ ମହାନ୍ତି । ଗଣମାଧ୍ୟମକୁ ପ୍ରତିକ୍ରିୟା ଦେଇ ଅନୁଭବ କହିଛନ୍ତି ବିଳମ୍ବରେ ହେଉ ପଛେ ନ୍ୟାୟ ମିଳିଥିବା କହିଛନ୍ତି ଅନୁଭବ । ଯେଉଁ ଅପେକ୍ଷା ଥିଲା, ତାହା ପୂରଣ ହୋଇଛି । ପୂର୍ବ ଅପେକ୍ଷା ଏବେ ଟିକିଏ ରିଲାକ୍ସ ଲାଗୁଛି । ଦ୍ୱିତୀୟ ବିବାହ କଥା ଚିନ୍ତା କରିନି । ବାପାଙ୍କ ଦେହ ଅସୁସ୍ଥ ଅଛି । ତେଣୁ ବାପା ସୁସ୍ଥ ହେବା ପରେ ପରିବାର ଲୋକେ ଯାହା ନିଷ୍ପତ୍ତି ନେବେ, ତାହା କରିବେ ।

କେନ୍ଦ୍ରାପଡା ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କ ପାରିବାରିକ ମାମଲାକୁ ନେଇ ଅନେକ ଚର୍ଚ୍ଚା ଦେଖାଦେଇଥିଲା। ଅଭିନେତ୍ରୀ ତଥା ପତ୍ନୀ ବର୍ଷା ପ୍ରିୟଦର୍ଶନୀଙ୍କ ସହ କଳହ ଓ ବିବାଦ ଦେଖା ଦେଇଥିଲା। ଫଳରେ ଉଭୟ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ। ବିବାହ ବିଚ୍ଛେଦ ପାଇଁ ହାଇକୋର୍ଟ ଅନୁମତି ଦେଇଛନ୍ତି । ଅନୁଭବଙ୍କ ଆବେଦନ ଆଧାରରେ ହାଇକୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ଏହା ସହିତ ପରିବାର ଅଦାଲତଙ୍କ ରାୟକୁ ମଧ୍ୟ ହାଇକୋର୍ଟଙ୍କ ଖାରଜ କରିଛନ୍ତି।