ହୋଣ୍ଡା ଓରାମକୁ ଦଣ୍ଡାଦେଶ

ରାଉରକେଲା(ବଡ଼ ଖବର ବ୍ୟୁରୋ): ବାପା ପାଇଁ ପୁଅ ପାଲଟିଥିଲା ବୋଝ । ସ୍ତ୍ରୀର ଚରିତ୍ରକୁ ସନ୍ଦେହକରି ୩ ବର୍ଷର ଶିଶୁ ପୁତ୍ରର ତଣ୍ଟିକାଟି ହତ୍ୟା କରିଥିଲା ବାପା । ଦୁନିଆକୁ ସମ୍ପୂର୍ଣ୍ଣରୂପେ ବୁଝିବା ପୂର୍ବରୁ ଶବ ପାଲଟିଗଲା ପୁଅ । ୨୦୧୯ରେ ଏଭଳି ଲୋମହର୍ଷଣକାରୀ ହତ୍ୟା ଘଟିଥିଲା ସୁନ୍ଦରଗଡ଼ ଜିଲ୍ଲା ବନ୍ଧମୁଣ୍ଡା ଥାନା ଅନ୍ତର୍ଗତ ଦଲପସରେ । ଆଜି ଏହି ମାମଲାର ଶୁଣାଣିକରି ରାଉରକେଲା ଏସଡିଜେଏମ୍ କୋର୍ଟ ପୁତ୍ର ହନ୍ତା ହୋଣ୍ଡା ଓରାମକୁ ୫,୦୦୦ଟଙ୍କା ଜୋରିମାନା ସହିତ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ।