ସପ୍ତମ ଥର ବିହାର ମୁଖ୍ୟମନ୍ତ୍ରୀ ନୀତୀଶ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବିହାରର ମୁଖ୍ୟମନ୍ତ୍ରୀ ହେବେ ନୀତୀଶ କୁମାର । ଏନ୍ଡିଏ ବିଧାୟକ ଦଳର ନେତା ଭାବରେ ନୀତୀଶ କୁମାରଙ୍କ ନାଁକୁ ଘୋଷଣା କରାଯାଇଛି । ନୀତୀଶଙ୍କ ନାଁରେ ମୋହର ମାରିଛନ୍ତି ପର୍ଯ୍ୟବେକ୍ଷକ ରାଜନାଥ ସିଂ । ଆସନ୍ତାକାଲି ୧୧ଟା ୩୦ ମିନିଟରୁ ଅପରାହ୍ଣ ୪ଟା ସମୟରେ ମଧ୍ୟରେ ଶପଥ ଗ୍ରହଣ ଉତ୍ସବ ରହିଛି । ସୋମବାର ପର୍ଯ୍ୟନ୍ତ ରାଜ୍ୟପାଳଙ୍କୁ ସମୟ ମାଗିଛନ୍ତି ନୀତୀଶ । ଏଥରକୁ ମିଶାଇ ନୀତୀଶ ସପ୍ତମ ଥର ପାଇଁ ବିହାର ମୁଖ୍ୟମନ୍ତ୍ରୀ ପଦରେ ବସିବେ । ସେପଟେ ବିଜେପିର ସୁଶୀଲ ମୋଦି ବିହାରର ଉପମୁଖ୍ୟମନ୍ତ୍ରୀ ଭାବେ କାର୍ଯ୍ୟ କରିବେ । ତାରା କିଶୋର ପ୍ରସାଦ ବିଜେପି ବିଧାୟକ ଦଳର ନେତା ଭାବେ କାର୍ଯ୍ୟ କରିବେ । ବିହାର ବିଧାନସଭା ନିର୍ବାଚନରେ ଏନଡିଏକୁ ୧୨୫ ଆସନ ମିଳିଥିବା ବେଳେ ମହାଗଠବନ୍ଧନକୁ ମିଳିଛି ୧୧୦ଟି ଆସନ । ଯାହା ଫଳରେ ଏନ୍ଡିଏ ସରକାର ଗଠନ କରିବାରେ ସକ୍ଷମ ହୋଇଛି ।