ପ୍ରାଚୀନ ପଥର ତଦାରଖ କଲେ ବିଧାୟକ
ପୁଇଁନ୍ତଳା (ବଡ଼ ଖବର ବ୍ୟୁରୋ): ପୁଇଁନ୍ତଳା ଏବଂ ଲୋଇସିଂହା ସୀମାନ୍ତ ସୁକତେଲ ନଦୀ ଗର୍ଭରୁ ବାହାରୁଛି ପ୍ରାଚୀନ ଯୁଗର କଳାକୃତି ପଥର । ଏସମ୍ପର୍କରେ ଲୋଇସିଂହା ବିଧାୟକ ମୁକେଶ ମହାଲିଙ୍ଗ ଖବର ପାଇ ନଦୀ ଗର୍ଭକୁ ପରିଦର୍ଶନ କରି ପୁରାତନ ପଥରର ଅନୁଧ୍ୟାନ କରିଛନ୍ତି । ତେବେ ପୁରାତନ ଯୁଗରେ ଏହି ସ୍ଥାନରେ ଏକ ମନ୍ଦିର ରହିଥିଲା ଏବଂ ତାହା ଧୀରେ ଧୀରେ ନଦୀରେ ମିଶି ଯାଇଥିବା ନେଇ ଅଞ୍ଚଳରେ ଚର୍ଚ୍ଚା ଜୋର ଧରିଛି । ଏହି ଘଟଣାର ଅଧିକ ତଦନ୍ତ କରାଯିବ ବୋଲି ବିଧାୟକ ସୂଚନା ଦେଇଛନ୍ତି । ସୂଚନା ଅନୁସାରେ ନୀଳମଣି ଗଡ଼ତିଆ ନାମକ ଜଣେ ବୃଦ୍ଧା ନଦୀରେ କଳାକୃତି ପଥର କିଛି ଅଂଶ ଦେଖି ସ୍ଥାନୀୟବାସିନ୍ଦାଙ୍କୁ ଜଣାଇଥିଲେ । ସ୍ଥାନୀୟ ଲୋକେ ନଦୀ ଗର୍ଭରେ ଆସି ବାଲିଖୋଳିବାରୁ ପ୍ରାୟ ୫୪ଟି ପ୍ରାଚୀନ ଯୁଗର କଳାକୃତି ପଥର ଉଦ୍ଧାର କରିଥିଲେ ।