ସାଇବର ଠକେଇ କୁ ରୋକିବା ପାଇଁ କଠୋର ନିୟମ

ନୂଆଦିଲ୍ଲୀ(ବଡଖବର ବ୍ୟୁରୋ):ବର୍ତ୍ତମାନ ସାଇବର ଠକେଇ ମାମଲା ଦୃତ ଗତିରେ ବୃଦ୍ଧି ପାଇବାରେ ଲାଗିଛି । ଏଭଳି ମାମଲା ବନ୍ଦ କରିବାକୁ ସରକାର ଅନେକ ବଡ ପଦକ୍ଷେପ ନେଇଛନ୍ତି । ଗୁରୁବାର କେନ୍ଦ୍ରମନ୍ତ୍ରୀ ଅଶ୍ୱିନୀ ବୌଷ୍ଣବ ଏ ସମ୍ପର୍କ ରେ ସୂଚନା ଦେଇଛନ୍ତି । ସେ କହିଛନ୍ତି ଯେ ଡିଜିଟାଲ୍ ଠକେଇ କୁ ରୋକିବା ପାଇଁ ସରକାର ସିମକାର୍ଡ ବିକ୍ରି କରୁଥିବା ଡିଲରମାନଙ୍କୁ ଯାଞ୍ଚ କରିବା ଆବଶ୍ୟକ ବୋଲି କହିଛନ୍ତି ।

ଡିଲରଙ୍କ ଯାଞ୍ଚ ଲାଇସେନ୍ସଧାରୀ କିମ୍ବା ଟେଲିକମ୍ ଅପରେଟର ଦ୍ୱାରା କରାଯିବ ବୋଲି ସେ କହିଛନ୍ତି । ଏହାର ଉଲଂଘନ ପାଇଁ ୧୦ ଲକ୍ଷ ଟଙ୍କା ଜରିମାନା ମଧ୍ୟ ରହିଛି । ଏଥି ସହିତ ମୁଦ୍ରିତ ଆଧାରକାର୍ଡ ର ଅପବ୍ୟବହାରକୁ ରୋକିବା ପାଇଁ ସରକାର ଜନସଂଖ୍ୟା ସମ୍ବନ୍ଧୀୟ ତଥ୍ୟ ହାସଲ କରିବାକୁ ବାଧ୍ୟତାମୂଳକ କରିଛନ୍ତି । ଅଶ୍ୱିନୀ ବୌଷ୍ଣବ କହିଛନ୍ତି ଯେ ବର୍ତ୍ତମାନ ୧୦ ଲକ୍ଷ ସିମ୍କାର୍ଡ ଡିଲର ଅଛନ୍ତି ଏବଂ ସେମାନଙ୍କୁ ଯାଞ୍ଚ ପାଇଁ ପର୍ଯ୍ୟାପ୍ତ ସମୟ ଦିଆଯିବ । ସିମକାର୍ଡ ବନ୍ଦ ପାଇଁ ନିୟମ ମଧ୍ୟ ପରିବର୍ତ୍ତନ କରାଯାଇଛି ।