ପହଞ୍ଚିଲାନି ଆମ୍ବୁଲାନ୍ସ, ଚାଲିଗଲା ଜୀବନ
ନବରଙ୍ଗପୁର (ବଡ଼ ଖବର ବ୍ୟୁରୋ): ଗାଁ କୁ ପହଞ୍ଚି ପାରିଲାନି ଆମ୍ବୁଲାନ୍ସ । ଭାଲୁ ଆକ୍ରମଣରେ ଚାଲିଗଲା ଜୀବନ । ନବରଙ୍ଗପୁର ଜିଲ୍ଲା ଝରିଗାଁ ବ୍ଳକ ପାଲିଆ ପଞ୍ଚାୟତ ଟିପାଗୁଡା ଗ୍ରାମର ଜଣେ ବୃଦ୍ଧଙ୍କର ଭାଲୁ ଆକ୍ରମଣରେ ମୃତ୍ୟୁ ଘଟିଛି । ସୂଚନା ଅନୁସାରେ ଆଜି ସକାଳୁ ଟିପା ଗୁଡା ଗ୍ରାମର ବନସିଂ ଗୌଡ଼ ଗାଁ ପାଖ ଜଙ୍ଗଲକୁ ଶୌଚ ପାଇଁ ଯାଉଥିଲେ ।
ସେଠାରେ ଏକ ଜଙ୍ଗଲୀ ଭାଲୁର ଶିକାର ହୋଇଥିଲେ । ପରେ ବନସିଂ ଚିତ୍କାର କରିବାରୁ ଆଖ ପାଖରେ ଥିବା ଲୋକ ଆସି ଭାଲୁ ଆକ୍ରମଣରୁ ବନସିଂ ଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ଘରକୁ ଆଣି ଥିଲେ । ପରେ ଗ୍ରାମବାସୀ ଓ ପରିବାର ଲୋକେ ୧୦୮ ଆମ୍ବୁଲାନ୍ସ କୁ ଫୋନ କରିଥିଲେ ।ତେବେ ଟିପା ଗୁଡା ରାସ୍ତା ଖରାପ ଥିବା ଯୋଗୁଁ ଘରୁ ୨ଶହ ମିଟର ଦୂରରେ ଆମ୍ବୁଲାନ୍ସ ରହିଯାଇଥିଲା।
ଖବର ପାଇଁ ଗ୍ରାମବାସୀ ଆମ୍ବୁଲାନ୍ସ ପର୍ଯ୍ୟନ୍ତ ଖଟିଆରେ ବୋହି ଗୁରୁତର ରୋଗୀକୁ ନେଇ ଥିଲେ। ଡାକ୍ତର ବନସିଂ ଙ୍କୁ ମୃତ୍ୟୁ ଘଷଣା କରିଛନ୍ତି । ତେବେ ଭାଲୁ ଆକ୍ରମଣ ରେ ବନସିଂ ଗୌଡ଼ଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ଜଣା ପଡ଼ିଛି ।