ଓଡ଼ିଶାରେ ଜମି ପଟ୍ଟା ବାଣ୍ଟୁଛି ଆନ୍ଧ୍ର

କୋଟିଆ(ବଡ଼ ଖବର ବ୍ୟୁରୋ): ଓଡ଼ିଶାରେ ଆନ୍ଧ୍ରର ପୁଣି ଅନୁପ୍ରବେଶ । କୋଟିଆ ପଞ୍ଚାୟତରେ ଅନୁପ୍ରବେଶ କରି ଜମିପଟା ବଣ୍ଟନ କଲା ଆନ୍ଧ୍ର । କୋରାପୁଟ ଜିଲ୍ଲା ପଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତରେ ଅନୁପ୍ରବେଶ କରି ଆନ୍ଧ୍ରପ୍ରଦେଶ ସାଲୁର ବିଧାୟକ ତିନୋଟି ଗ୍ରାମ ବାସୀଙ୍କୁ ଜଙ୍ଗଲ ଜମି ପଟା, ଚାଷୀ ଉପକରଣ ସାମଗ୍ରୀ, ବଣ୍ଟନ କରିଥିବା ବେଳେ ଅନ୍ୟ ଏକ କାର୍ଯ୍ୟକ୍ରମରେ ମାସ୍କ ଏବଂ ସାନିଟାଇଜର ବଣ୍ଟନ କରାଯାଇଥିବା ନେଇ ଜଣାପଡିଅଛି ।

ଆଜି ପୁଣି ଓଡ଼ିଶା ଆନ୍ଧ୍ରପ୍ରଦେଶ ସୀମାନ୍ତ ସାଲୁର ବିଧାୟକ ପିଡିକା ରାଜନ୍ନ ଦୋରା କୋଟିଆ ପଞ୍ଚାୟତର ସୀମାନ୍ତ ନେରେଡିବାଲାସା ଗ୍ରାମଠାରେ ପହଞ୍ଚିଥିଲେ, ସେଠାରେ ଅଞ୍ଚଳବାସୀ ବିଧାୟକଙ୍କୁ ଏବଂ ଅନ୍ଧ୍ର ଅଧିକାରୀଙ୍କୁ ପଛଟାଇ ଡେମ୍ସା ନଚୋରେ ବାଜା ବଜାଇ ସ୍ୱଗତ କରିଥିଲେ, ଆନ୍ଧ୍ରପ୍ରଦେଶ ପଞ୍ଚାୟତ କରିଥିବା ଗଂଜେଇପଦର ପଞ୍ଚାୟତର ଉପରସେମ୍ବୀ, କୁରୁକୁଟି ପଞ୍ଚାୟତର ନେରେଡିବାଲାସା ଏବଂ ସାରିକି ପଞ୍ଚାୟତ ଅନ୍ତର୍ଗତ ଗାଲିଗାଵଟର ଗ୍ରାମର ମୋଟ ୨୫୮ ହିତାଧିକାରୀଙ୍କୁ ଜଙ୍ଗଲ ଜମି ପଟା ବଣ୍ଟନ କରିଥିବା ନେଇ ଜଣାପଡିଛି।