କୋଭିଡ ମାର୍ଗଦର୍ଶିକା ପାଳନ କରିବା: ଡିଏମଇଟି

ଭୁବନେଶ୍ୱର(ବଡ଼ ଖବର ବ୍ୟୁରୋ):  ପାର୍ବଣ ସମୟରେ ଭିଡକୁ ଦୃଷ୍ଟିରେ ରଖି କୋଭିଡ ସଂକ୍ରମଣ ବଢିପାରେ ବୋଲି ଡିଏମଇଟି ସିବିକେ ମହାନ୍ତି କହିଛନ୍ତି । ସେ କହିଛନ୍ତି ଯେ ପାର୍ବଣ ମାସ ହୋଇଥିବାରୁ ଆମକୁ ସଚେତନ ଓ ସତର୍କ ରହିବା ଆବଶ୍ୟକ । ତେଣୁ ସମସ୍ତେ କୋଭିଡ ମାର୍ଗ ଦର୍ଶିକା ପାଳନ କରିବା ।

ସମସ୍ତେ ସାମାଜିକ ଦୂରତା ବଜାୟ ରଖିବା ସହ ମାସ୍କ ପରିଧାନ କରିବା । ଭିଡକୁ ନଯିବା ଲାଗି ପରାମର୍ଶ ଦେଇଛନ୍ତି ଡିଏମଇଟି । ପାର୍ବଣ ପାଇଁ ଟେଷ୍ଟ , ଟ୍ରେସିଂ ଓ ଟ୍ରିଟମେଣ୍ଟ ର ସୁବିଧା କରାଯାଉଛି । ଯଦି କାହାର ଲକ୍ଷଣ ପ୍ରକାଶ ପାଉଛି ତେବେ ତୁରନ୍ତ ଯାଇ ଟେଷ୍ଟ କରାନ୍ତୁ । ସେମାନଙ୍କ ପାଇଁ ଅଧିକରୁ ଅଧିକ ଟେଷ୍ଟର ସୁବିଧା କରାଯିବ । ଏହା ସହ ସମସ୍ତେ ଟିକା ନେବା ଜରୁରୀ । ପ୍ରଥମ ଡୋଜ ଟିକା ନେବା ପରେ ଦ୍ୱିତୀୟ ଡୋଜ ଟିକା ନେବା ଆବଶ୍ୟକ । ଏ ନେଇ ସମସ୍ତେ ସତର୍କତା ଅବଲମ୍ବନ କରିବା ପାଇଁ ଡିଏମଇଟି ନିର୍ଦ୍ଦେଶ ।