ନୂଆଦିଲ୍ଲୀ (ବଡ ଖବର ବ୍ୟୁରୋ): ପ୍ରଧାନମନ୍ତ୍ରୀ ପଦ ପାଇଁ ରାହୁଲ ଗାନ୍ଧିଙ୍କୁ ପ୍ରତିଦ୍ୱନ୍ଦି ବୋଲି ଭାବୁଛନ୍ତି କି ? ଯାହାର ଉତ୍ତର ରଖିଛନ୍ତି କେନ୍ଦ୍ରମନ୍ତ୍ରୀ ଅମିତ ଶାହା । ସେ କହିଛନ୍ତି ତିନୋଟି ରାଜ୍ୟରେ ନିର୍ବାଚନ ଆସୁଛି । ଏହା ସ୍ପଷ୍ଟ ହୋଇଯିବ ଯେ ରାହୁଲ ଗାନ୍ଧିଙ୍କ ଭାରତ ଯୋଡ଼ର ପ୍ରଭାବ କ’ଣ ରହିଛି । ଏ ପର୍ଯ୍ୟନ୍ତ ଜନସାଧାରଣ କାହାକୁ ମୁଖ୍ୟ ବିରୋଧି ଦଳ କରିନାହାନ୍ତି । ଶାହା କହିଛନ୍ତି ଯେ ସରକାର ଉତ୍ତର ପୂର୍ବାଞ୍ଚଳର ବିକାଶ ପାଇଁ ଅନେକ କାମ କରିଛନ୍ତି ।
ସରକାର ଅନେକ ସନ୍ତ୍ରାସବାଦୀ ସଂଗଠନ ସହ ଚୁକ୍ତି କରିଛନ୍ତି ଏବଂ ୮୦୦୦ ସଶସ୍ତ୍ର ସନ୍ତ୍ରାସବାଦୀ ଆତ୍ମସମର୍ପଣ କରିଛନ୍ତି। ଏହାପୂର୍ବରୁ ଉତ୍ତର ପୂର୍ବାଞ୍ଚଳ ରାଜ୍ୟଗୁଡିକ ବ୍ୟାଣ୍ଡ, ବୋମା ବିସ୍ଫୋରଣ ଏବଂ ମାଓବାଦୀଙ୍କ ଦ୍ୱାରା ଚିହ୍ନିତ ହୋଇଥିଲେ ବି ଆଜି ସଡ଼କ, ରେଳ ଏବଂ ଭିତ୍ତିଭୂମି ବିକାଶ ଉପରେ ଗୁରୁତ୍ୱ ଦିଆଯାଇଛି। ଆଠ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ମୋଦୀ ୫୧ ଥର ଉତ୍ତର ପୂର୍ବାଞ୍ଚଳ ଗସ୍ତ କରିଛନ୍ତି।
