ରେଷ୍ଟୁରାଣ୍ଟରେ ମିସାଇଲ ଆକ୍ରମଣ, ୧୧ ମୃତ

ନୂଆଦିଲ୍ଳୀ (ବଡ଼ ଖବର ବ୍ୟୁରୋ): ଥମୁନି ୟୁକ୍ରେନ -ଋଷିଆ ଯୁଦ୍ଧ । ପିଜା ରେଷ୍ଟୁରାଣ୍ଟରେ ମିସାଇଲ ଆକ୍ରମଣ କରିଛି ଋଷ ସୈନ୍ୟ । ଏହି ଆକ୍ରମଣରେ ୩ ନାବାଳକଙ୍କ ସମେତ ୧୧ ଜଣଙ୍କ ମୃତ୍ୟୁ ହୋଇଛି । ଇଷ୍ଟର୍ଣ୍ଣ ୟୁକ୍ରେନ ସହର କ୍ରାମାଟୋସ୍କରେ ଋଷର ମିସାଇଲ ଆକ୍ରମଣରେ ୧୧ ଜଣଙ୍କର ମୃତ୍ୟୁ ହୋଇଥିବା ବେଳେ ୬୦ରୁ ଊର୍ଦ୍ଧ୍ବ ଗୁରୁତର ଆହତ ହୋଇଛନ୍ତି ।

ଋଷରେ ଓ୍ବାଗନରର ବିଦ୍ରୋହ ଥମିବା ପରେ ପୁଣି ଥରେ ୟୁକ୍ରେନ ଉପରେ ଆଟାକ ଜୋରଦାର କରିଛି ଋଷ । ରେଷ୍ଟୁରାଣ୍ଟ ଉପରେ ଆକ୍ରମଣ ପାଇଁ ଋଷ ସୈନ୍ୟଙ୍କୁ ସହଯୋଗ କରିଥିବା ସନ୍ଦେହରେ ଜଣଙ୍କୁ ଗିରଫ କରାଯାଇଛି । ୧୬ ମାସରୁ ଅଧିକ ସମୟ ଧରି ଜାରି ରହିଛି ଋଷ-ୟୁକ୍ରେନ ଯୁଦ୍ଧ ।