ମଝି ଆକାଶରୁ ଫେରିଲା ବିମାନ, ଜରୁରୀକାଳୀନ ଅବତରଣ କଲା ଇଣ୍ଡିଗୋ ବିମାନ

ଭୁବନେଶ୍ୱର(ବଡ଼ ଖବର ବ୍ୟୁରୋ): ମଝି ଆକାଶରୁ ଫେରିଲା ବିମାନ । ଭୁବନେଶ୍ୱର- ନୂଆଦିଲ୍ଲୀ ଇଣ୍ଡିଗୋ ବିମାନକୁ ଜରୁରୀକାଳୀନ ଅବତରଣ କରାଯାଇଛି । ସକାଳେ ଭୁବନେଶ୍ୱର ବିମାନବନ୍ଦରରୁ ଦିଲ୍ଲୀ ଅଭିମୁଖେ ଇଣ୍ଡିଗୋ ବିମାନ ଉଡ଼ାଣ ଭରିଥିଲା ।

ବିମାନ ଉଡାଣର କିଛି ସମୟ ପରେ ବିମାନର ଯାନ୍ତ୍ରିକ ତ୍ରୁଟି ଦେଖାଦେଇଥିଲା । ତେଣୁ ଉଡ଼ାଣର ୨୫ ମିନିଟ ପରେ ବିମାନବନ୍ଦରକୁ ଫେରି ଆସିଥିଲା ବିମାନ । ବିମାନରେ ଥିବା ସମସ୍ତ ଯାତ୍ରୀ ସୁରକ୍ଷିତ ଥିବା ସୂଚନା ମିଳିଛି ।