ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଜଷ୍ଟିସ୍ ଏନ.ଭି.ରମଣ ହେବେ ସୁପ୍ରିମକୋର୍ଟର ପରବର୍ତ୍ତୀ ପ୍ରଧାନ ବିଚାରପତି। ଏନ.ଭି.ରମଣଙ୍କ ନାମ ସୁପାରିଶ କଲେ ସିଜେଆଇ। ସୁପ୍ରିମକୋର୍ଟର ପ୍ରଧାନ ବିଚାରପତି ଏସଏ ବୋବଡେ ଏପ୍ରିଲ ୨୩ ରେ ଅବସର ନେବାକୁ ଯାଉଛନ୍ତି। ସେ କେନ୍ଦ୍ରସରକାରଙ୍କ ନିକଟରେ ଏନ.ଭି. ରମଣଙ୍କ ନାମ ସୁପାରିଶ କରିଛନ୍ତି। ଆଇନମନ୍ତ୍ରୀ ରବିଶଙ୍କର ପ୍ରସାଦ ଶୁକ୍ରବାର ପ୍ରଧାନ ବିଚାରପତିଙ୍କୁ ପରବର୍ତ୍ତୀ ବିଚାରପତିଙ୍କ ନାମ ସୁପାରିଶ କରିବା ପାଇଁ ପତ୍ର ଲେଖିଥିଲେ।
ଜଷ୍ଟିସ୍ ଏନ.ଭି.ରମଣ ସୁପ୍ରିମକୋର୍ଟର ଜଣେ ବରିଷ୍ଠ ବିଚାରପତି। ସେ ଆନ୍ଧ୍ରପ୍ରଦେଶର ଜଣେ କୃଷକ ପରିବାରରେ ୨୭ ଅଗଷ୍ଟ ୧୯୫୭ରେ ଜନ୍ମଗ୍ରହଣ କରିଥିଲେ। ୨୦୦୦ ଜୁନରେ ଏନ.ଭି. ରମଣ ଆନ୍ଧ୍ରପ୍ରଦେଶ ହାଇକୋର୍ଟରେ ଜଣେ ସ୍ଥାୟୀ ଜଜ ଭାବେ ନିଯୁକ୍ତି ପାଇଥିଲେ। ସୁପ୍ରିମକୋର୍ଟରେ କାର୍ଯ୍ୟ କରିବା ପୂର୍ବରୁ ସେ ଦିଲ୍ଲୀ ହାଇକୋର୍ଟରେ ମୁଖ୍ୟ ବିଚାରପତି ଭାବେ କାର୍ଯ୍ୟ କରୁଥିଲେ।
