Before Header

କେସିଆର ବନାମ ରେଭନ୍ତ ମଧ୍ୟରେ କମାରେଡ୍ଡୀ ଆଉ କାହାର

0 182

ତେଲେଙ୍ଗାନା (ବଡ଼ ଖବର ବ୍ୟୁରୋ): ତେଲେଙ୍ଗାନା ରାଜନୀତିର ବଡ଼ ନାଁ କେସିଆର । ଆଉ ଏବେ ବଡ଼ ନାଁ ରେଭନ୍ଥ ରେଡ୍ଡୀ । ଜଣେ ସରକାରରୁ ଗଲେ, ଜଣେ ଆସିଲେ । ହେଲେ ଆପଣ ଜାଣନ୍ତି କି, ଗୋଟିଏ ବିଧାନସଭା ଆସନରେ ଉଭୟ ପ୍ରାର୍ଥୀ ହୋଇଥିଲେ । ସେଇଠି ଯାହା ଫଳ ହେଲା, ତାହା ସମସ୍ତଙ୍କୁ ଚମକାଇ ଦେଲା ।


ଚର୍ଚ୍ଚାରେ ଥିଲା ତେଲେଙ୍ଗାନା ପଲିଟିକ୍ସ । ୧୧୯ଟି ବିଧାନସଭା ଆସନ ପାଇଁ ରେସ ଚାଲିଥିଲା ବିଆରଏସ ଓ କଂଗ୍ରେସ ମଧ୍ୟରେ । ଆଶା କରାଯାଉଥିଲା କଡ଼ା ଟକ୍କର ହେବ ବୋଲି । ଗଣତି ଆରମ୍ଭ ହେଲା । ରେସରେ ଆଗେଇ ଚାଲିଲା କଂଗ୍ରେସ । ଧିରେ ଧିରେ ଖାତା ଖୋଲିବା ଆରମ୍ଭ କଲା ବିଆରଏସ । କିନ୍ତୁ ସବୁଠୁ ପଛରେ ରହିଥିଲା ବିଜେପି । ବହୁଳ ସମର୍ଥନ ସହ କଂଗ୍ରେସ ନିଜର ସରକାର ଗଢିବା ପାଇଁ ସଫଳ ହେଲା । କିନ୍ତୁ ସମସ୍ତଙ୍କ ନଜର ଥିଲା କମ୍ମାରେଡ୍ଡୀ ଆସନ ଉପରେ । କାରଣ ରାଜ୍ୟରେ ଫୋକସରେ ଥିବା ଦୁଇ ପ୍ରମୁଖ ଦଳ କଂଗ୍ରେସ ଓ ବିଆରଏସର ସୁପ୍ରିମୋ ଏହି ଆସନରୁ ଠିଆ ହୋଇଥିଲେ । ସେ ବିଆରଏସ ମୁଖ୍ୟ କେସିଆର ହୁଅନ୍ତୁ ଅବା ପ୍ରଦେଶ କଂଗ୍ରେସ ସଭାପତି ରେଭନ୍ତ ରେଡ୍ଡୀ । ଦୁହିଁଙ୍କ ମଧ୍ୟରେ ହୋଇଥିଲା ଜୋରଦାର ଲଢେଇ । କିନ୍ତୁ ସମସ୍ତଙ୍କ ଆଶାକୁ ଚକମା ଦେଇ ବାଜି ମାରିଲା ଭାରତୀୟ ଜନତା ପାର୍ଟି । ଇଲେକ୍ସନ କମିଶନର ତଥ୍ୟ ଅନୁସାରେ ଗଣତିରେ ଶେଷରେ ପଡିଥିଲେ ରେଭନ୍ତ ରେଡ୍ଡୀ ।

୫୪,୯୧୬ ଭୋଟ ସହ ୨୮.୪୭% ଭୋଟ ହାତେଇଥିଲେ ରେଭନ୍ତ ରେଡ୍ଡୀ । ସେହିଭଳି ବିଆରଏସ ମୁଖ୍ୟ କେସିଆରଙ୍କ ଖାତାକୁ ଯାଇଥିଲା ୫୯,୯୧୧ ଖଣ୍ଡ ଭୋଟ । ଥିଲା ୩୧.୦୬% ଜନତାଙ୍କ ସମର୍ଥନ । କିନ୍ତୁ ଚମକାଇଲା ଭଳି ଫଳାଫଳ ସାମ୍ନାକୁ ଆସିଲେ । ପଲଟିଗଲା ସବୁ ସମୀକରଣ । ସମର୍ଥନ ଗଲା ବିଜେପି ପ୍ରାର୍ଥୀ ଭେଙ୍କଟ ରମଣ ରେଡ୍ଡୀଙ୍କୁ । ତେଲେଙ୍ଗାନାବାସୀ ୩୪.୫୫% ସହ ୬୬,୬୫୨ ଖଣ୍ଡ ଭୋଟ ଦେଇ ଜନତା ଜନାର୍ଦ୍ଦନ ରମଣ ରେଡ୍ଡୀଙ୍କୁ ବିଜୟୀ କଲେ । ରାଜ୍ୟର ପଲିଟିକାଲ ହଟସ୍ପଟ୍ ଥିବା କମାରେଡ୍ଡୀ ନିର୍ବାଚନ ମଣ୍ଡଳୀରେ ବାଜିଗର ସାଜିଲେ ରମଣ । ଫିକା ପଡିଗଲା ମୁଖ୍ୟମନ୍ତ୍ରୀ ଗାଦିରେ ଥିବା କେସିଆରଙ୍କ ଯାଦୁ । ଚାଲିପାରିଲାନି ରେଭନ୍ତଙ୍କ ହାତର କମାଲ । ଫୁଟିଲା ପଦ୍ମ । ରାଜ୍ୟରେ କଂଗ୍ରେସ ବିଜୟୀ ହୋଇଛି ସତ । କିନ୍ତୁ ଗୁରୁତ୍ୱପୂର୍ଣ୍ଣ ଆସନ ଭାବେ ମଣାଯାଉଥିବା ଏହି ସିଟକୁ ହାତେଇବାରେ ସଫଳ ହୋଇପାରିଲେନି ଦୁଇ ପ୍ରମୁଖ ଦଳ । ତି୍ରମୁଖୀ ଲଢେଇ ବିଜେପି ସପକ୍ଷରେ ଗଲା ।

 

Leave A Reply

Your email address will not be published.