କାୟା ବିସ୍ତାର କରୁଛି ଏଡିନୋ ଭାଇରସ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପୁଣି ମାତିଲା ଏଡିନୋ ଭାଇରସ୍ । ଚାଲିଗଲା ୧୦ ଶିଶୁଙ୍କ ଜୀବନ । ରୋଗୀକୁ ଛୁଇଁଲେ, ହାତ ମିଳାଇଲେ ସଂକ୍ରମଣ ବ୍ୟାପୁଛି । କରୋନା ଭାଇରସ ପରେ ଏଡିନୋ ଭାଇରସକୁ ନେଇ ଭାରତରେ ନୂଆ ବିପଦ ସୃଷ୍ଟି ହୋଇଛି । ୪୮ ଘଣ୍ଟା ମଧ୍ୟରେ ଏଡିନୋ ଭାଇରସରେ ୧୦ ଜଣ ନବଜାତ ମୃତ୍ୟୁବରଣ କରିଛନ୍ତି । ମୃତକଙ୍କ ବୟସ ୩ ବର୍ଷ ମଧ୍ୟରେ ରହିଥିବା ବେଳେ ସେମାନଙ୍କଠାରେ ଏଡିନୋ ଭାଇରସର ଲକ୍ଷଣ ଦେଖିବାକୁ ମିଳିଥିଲା ।

କୋଲକାତା ୨ଟି ହସ୍ପିଟାଲରେ ୪ ଜଣ ଓ ବାଙ୍କୁରା ମେଡିକାଲରେ ୨ ଜଣ ମୃତ୍ୟୁବରଣ କରିଛନ୍ତି । ଏହାଫଳରେ ଗତ ଦୁଇମାସ ମାସରେ ଏଡିନୋ ଭାଇରସ କାରଣରୁ ମୃତ୍ୟୁସଂଖ୍ୟା ୪୫ରେ ପହଞ୍ଚଛି । ପରିସ୍ଥିତିକୁ ଦୃଷ୍ଟିରେ ରଖି ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ଆଡଭାଇଜାରି କରିଛି । ସୂଚନା ଅନୁସାରେ ଏହା ପୂର୍ବରୁ ୨୪ ଘଣ୍ଟା ମଧ୍ୟରେ ଭାଇରସ କାରଣରୁ ୧୨ ଜଣ ମୃତ୍ୟୁବରଣ କରିଥିବା ବେଳେ ସେମାନଙ୍କ ମଧ୍ୟରୁ ୭ ଜଣ ଅନ୍ୟ ବିମାରୀ କାରଣରୁ ପ୍ରାଣ ହରାଇଥିବା ଏକ ସରକାରୀ ବୟାନରେ କୁହାଯାଇଥିଲା ।