କମିଟି କରିବ ପୁରୀ ଅଗ୍ନିକାଣ୍ଡର ତଦନ୍ତ

ପୁରୀ (ବଡ଼ ଖବର ବ୍ୟୁରୋ): ପୁରୀ ଅଗ୍ନିକାଣ୍ଡର ତଦନ୍ତ ପାଇଁ ଗଠନ ହେଲା କମିଟି । ଅଗ୍ନିକାଣ୍ଡର କ୍ଷୟକ୍ଷତିର ଆକଳନ ଓ କେଉଁ ପରିସ୍ଥିତିରେ ନିଆଁ ଲାଗିଲା କମିଟି କରିବ ତଦନ୍ତ । ପୁରୀ ଉପଜିଲ୍ଲାପଳଙ୍କ ଅଧ୍ୟକ୍ଷତାରେ ଗଠନ ହୋଇଛି କିମିଟି । ଏହି ଟିମରେ ତହସିଲଦାର ଟାଉନ ଥାନା ଆଇଆଇସି ଓ ଫାୟାର ଅଫିସର ସଦସ୍ୟ ଅଛନ୍ତି । ପୁରୀ ବଡ଼ଦାଣ୍ଡର ମରିଚିକୋଟ ଛକରେ ଥିବା ଲକ୍ଷ୍ମୀ ମାର୍କେଟ କପ୍ଲେସରେ ବୁଧବାର ରାତିରେ କୌଣସି କାରଣରୁ ନିଆଁ ଲାଗିଯାଇଥିଲା ।

ତିନି ମହଲା ବିଶିଷ୍ଟ ଏହି କପ୍ଲେକସରେ ହୋଟେଲ ଗୋଟିଏ ବ୍ୟାଙ୍କ ଓ ଅନେକ ଦୋକାନ ଥିଲା । ଅଗ୍ନିକାଣ୍ଡ ଯୋଗୁଁ ସବୁ ଜଳିପୋଡି ପାଉଁଶ ହୋଇଯାଇଛି । ୧୬୦ ଅଗ୍ନିଶମ କର୍ମଚାରୀ , ୧୨ ଦମକଳ ଗାଡ଼ି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ । ଦୀର୍ଘ ୩୬ ଘଣ୍ଟାର ପରିଶ୍ରମ ପରେ ନିଆଁ ଲିଭିଛି । ନିଆଁ ଲାଗି ୫ କୋଟି ଟଙ୍କାର ସମ୍ପତି ଭଷ୍ମ ହୋଇଯାଇଛି ।